ဒီမိုမိတ်ဆွေပါတီများပူးပေါင်း၍ ပြည်ထောင်စုနေ့အခမ်းအနားကျင်းပ ရန်ကုန် ။ ဖေဖော်ဝါရီ ၁၂
ဒီမိုကရေစီပြည်ထောင်စုတည်ထောင်နိုင်ရန် လူမျိုးကြီးစရိုက်လက္ခဏာနှင့်
ကျဉ်းမြောင်းသောလူမျိုးစွဲစိတ်ဓာတ်ကင်းရှင်းသည့် ထာဝရ
ပူးပေါင်းဖွဲ့စည်းအပ်သော စစ်မှန်သည့်
ဖက်ဒရယ်ပြည်ထောင်စုအပေါ် အခြေခံရမည်ဖြစ်ကြောင်းဒီမိုကရေစီမိတ်ဆွေပါတီများပူးပေါင်းထုတ်ပြန်သည့် ကြေညာချက်အား
ဒီမိုကရေစီနှင့်ငြိမ်းချမ်းရေးပါတီ အတွင်းရေးမှူး ဦးမျိုးညွှန့်က
ကိုယ်စားပြုပြောသည်။ အဆိုပါ ထုတ်ပြန်ချက်အား ဖေဖော်ဝါရီလ ၁၂
ရက်တွင်ကျရောက်သော ၆၆ နှစ်မြောက်ပြည်ထောင်စုနေ့၌ ပါတီများပူးတွဲ
ထုတ်ပြန်ခဲ့ခြင်းဖြစ်ပြီး ပြည်ထောင်စုနေ့အခမ်းအနားကို ယနေ့ မွန်းလွဲ ၂
နာရီက ရန်ကုန်မြို့ ဘိုကလေးဈေးလမ်းရှိ ၊ YWCA ခန်းမ၌
ပြုလုပ်ခဲ့ကြောင်းသိရသည်။ အခမ်းအနား၌ ပါတီကိုယ်စားပြုသဘာပတိများအနက်
ရခိုင်တိုင်းသားများတိုးတက်ရေးပါတီမှ အထွေထွေအတွင်းရေးမှူး ဦးဦးလှစောက
အဖွင့်အမှာစကားပြောကြားခဲ့ပြီး ပါတီများမှ ပေးပို့သော
သ၀ဏ်လွှာများအားအသီးသီးဖတ်ကြားခဲ့ကြောင်းသိရသည်။
from Popular Myanmar News
No comments:
Post a Comment