စီးပွားရေးကြပ်တည်းမှုကြောင့် KIA တောင်းသော ဆက်ကြေးငွေအား UNDP ထောက်ပံ့သော ကျေးရွာရန် ပုံငွေမှ ပေးဆောင်ခဲ့ရ

ကချင်ပြည်နယ် မိုးမောက်မြို့နယ် စီကော်ကျေးရွာနှင့် ဟင်္သာကျေးရွာတို့တွင် ၂၀၁၃ ခုနှစ်အတွက် KIA မှ တောင်းထားသော ဆက်ကြေးငွေများဟာ စီးပွားရေးကြပ်တည်းမှုကြောင့် UNDP မှ ထောက်ပံ့ပေးထားသော ကျေးရွာရန်ပုံငွေထဲမှ ဒီဇင်ဘာ ၂၉ ရက်နေ့တွင် ပေးဆောင်လိုက်ရကြောင်း ယင်းဒေသခံများထံမှ သိရသည်။

``စီကော်ရွာမှာ အိမ်ခြေ(၁၈၀)ရှိပါတယ်။ KIA အဖွဲ့ကတောင်းတဲ့ ၂၀၁၃ ခုနှစ်အတွက် တစ်နှစ်စာဆက်ကြေး ၈ သိန်းခွဲ ပေးရပါတယ်။ နှင်းအီကျေးရွာနေ ဦးမုန်တိုင်းကနေတစ်ဆင့် KIA တပ်မဟာ(၅) ရင်း(၂၄)ကို သွင်းရတာ ပါ´´ ဟု စီကော်ကျေးရွာသားတစ်ဦးက ပြောပြသည်။

``ဟင်္သာကျေးရွာက ငွေ ၆ သိန်းခွဲပေးရပါတယ်။ ရွာသားတွေကို ကောက်တော့လည်း စီးပွားရေးအဆင်မပြေ တဲ့သူက များနေလို့ ကျေးရွာရန်ပုံငွေထဲကပဲ စိုက်ပေးလိုက်ရပါတယ်´´ ဟု ဟင်္သာကျေးရွာ အုပ်ချုပ်ရေးအဖွဲ့ ၀င်တစ်ဦးက ဆိုသည်။

ကချင်လွတ်လပ်ရေးတပ်မတော်(KIA)တပ်မဟာ(၅)၊ တပ်ရင်း(၂၄)မှ ဗိုလ် ဇော်တောင် ဦးစီးအဖွဲ့သည် ၂၀၁၃ ခုနှစ် မိုးဦးကာလက စီကော်နှင့် ဟင်္သာကျေးရွာများမှ ဆက်ကြေးငွေ(၁၈၀၀၀၀ိ/-)ကျပ် တောင်းခဲ့ကြောင်း နှင့် ယခုပေးဆောင်ရသော ဆက်ကြေးငွေ စုစုပေါင်း(၁၅)သိန်းအား ငွေကြေးပြေလည်မှုမရှိသဖြင့် UNDP မှ ကျေးရွာ ဖွံ့ဖြိုးရေးအတွက် ပံ့ပိုးကူညီပေးထားသည့် ကျေးရွာရန်ပုံငွေ ကျပ်သိန်း(၃၀၀)ကျော်မှ စိုက်ထည့်ပေး လိုက်ရခြင်းဖြစ်ကြောင်း သိရသည်။

``တိုက်ပွဲတွေဖြစ်တုန်းကလည်း ဆက်ကြေးရော လူသစ်ပါပေးရတယ်။ အခုတိုက်ပွဲတွေ မရှိတော့ပေမယ့် KIA က ဆက်ကြေးတောင်းတုန်းပဲ၊ ရွာသားတွေက စီးပွားရေး အဆင်ပြေတာ မဟုတ်ဘူး၊ မိုင်းတွေကိုလည်း ကြောက်ရသေးတယ်၊ လယ်ယာတွေကိုလည်း ကောင်းကောင်း မလုပ်ရဘူး၊ ကိုယ့်အိမ်ကိုယ့်ရွာကို မစွန့်နိုင်လို့ နေနေကြပေမယ့် KIA ရဲ့ ကျွန်တော်တို့အပေါ် အနိုင်ကျင့် ဆက်ကြေးတောင်းမှုတွေကို သက်ဆိုင်ရာတာဝန်ရှိ လူကြီးတွေ သိစေချင်ပါတယ်။ ပြီးတော့ ထိရောက်တဲ့ ကာကွယ်မှုတွေ လုပ်ပေးဖို့ မျှော်လင့်ပါတယ်´´ ဟု စီကော်ရွာသား အိုက်ဖုန်းက ပြောပြသွားသည်။

KIA အဖွဲ့မှ တစ်နှစ်စာ ဆက်ကြေးကောက်ခံသော ကျေးရွာများမှာ စီကော်နှင့် ဟင်္သာကျေးရွာများသာမကဘဲ တာပိန်၊ မိုးလဲချောင်းတစ်လျှောက်ရှိ ကျေးရွာများအားလုံး ပါဝင်ကြောင်း ယင်းဒေသခံတစ်ဦး၏ ပြောပြချက်အရ သိရှိရသည်။

from Kachin Daily News